ಹಾಜರಿ !!

ಇಷ್ಟು ದೊಡ್ಡ ಊರಿನಲ್ಲಿ 

ಅದೊಂದು  ಬೀದಿ ಬೆಳಗಿದೆ,

ಬೆಳಕಿನಬ್ಬ ನಡೆದಿದೆ 

ನೀನು.. ಬಂದು ಹೋದೆಯಾ? 

ಬತ್ತಿ ಹೋದ ಹೂಳೆಯು, ಇಂದು

ಭೂರ್ಗೆರೆದು ಹರಿದಿದೆ

ಸಾಲು ದಿಬ್ಬಣ ಹೊರಟಿದೆ 

ನೀನು ಮಿಂದು ಹೋದೆಯಾ?

ಒಂಟಿ ಮರದ ಕೊಂಬೆ ಮೇಲೆ

ದುಂಬಿ ಸಂತೆ ನೆರೆದಿದೆ 

ಜೇನಕೂಟ  ನೆಡದಿದೆ

ನೀನು ಭೇಟಿಯಾದೆಯ ?

ಕೋಟಿ ತಾರೆ ನಡುವಿನಲ್ಲಿ

ಅದೊಂದು ತಾರೆ ಹೊಳೆದಿದೆ 

ವಜ್ರದಂತೆ ಮಿನುಗಿದೆ 

ನೀನು.. ಕಣ್ಣು ಹೊಡೆದೆಯ ?

ಇಷ್ಟು ಬರೆದ ಮೇಲೂ ,

ಇನ್ನೂ  ಏನೂ ಉಳಿದಿದೆ 

ಶಾಯಿ ಮುಗಿದು ಹೋಗಿದೆ 

ಇಂದು ನೀನು .. ಸಿಗುವೆಯ ?